KAPAG MAY GRUPO NG MAG-AARAL NGUNI’T WALANG GURO

Ang mga liksiyon 1-4 ay iba ang pagkakaayos.

BAHAGI A: Teksto para sa pagbabasa
Mga bagong salita
Bawa’t liksiyon ay may bagong bukabularyo. Matututunan mo ang mga salitang ito sa pamamagitan ng paggamit ng iyong diksiyonaryo. Ang mga mag-aaral sa grupo ay maaaring magtanungan sa isa’t-isa tungkol sa pagbabaybay at kahulugan ng mga bagong salita.

Sa bahaging ito, magkakaroon ang mag-aaral ng bagong bukabularyo.

Teksto para sa pagbabasa (Modyul 1)
Makikinig ang grupo sa teksto at magbabasa nang tahimik ng isang beses lamang. Makikipagtalakayan ang mga mag-aaral para tiyakin na naintindihan ng lahat ang naturang teksto. Makikinig at magbabasa silang muli sa pangalawang pagkakataon.

Sa bahaging ito, malalaman ng mga mag-aaral kung paano gamitin ang bagong bukabularyo.

Teksto para sa pagbabasa (Modyul 2, 3, at 4)
Babasahin nang tahimik ng mga estudyante ang teksto ng isang beses. Pagkatapos, maghahalinhinan sila ng pagbasa nang malakas sa bawa’t talata. Ang kanilang binasa ay tatalakayin nila, sa Ingles o sa sariling wika, upang malaman kung naintindihan ng lahat ang nakasaad doon.

Sa bahaging ito, malalaman ng mga mag-aaral kung paano gamitin ang bagong bukabularyo.

BAHAGI B: Teksto para sa pakikinig
Mga bagong salita
Tulad din ng Bahagi A

Pag-uusap
Makikinig ang mga mag-aaral sa naka-tape nang hindi tumitingin sa teksto. Pagdidiskusyonan nila ang pangkalahatang kahulugan ng usapan. Patutugtugin muli ang tape habang sila ay sabay na nakikinig at nagbabasa. Matapos matiyak na lahat ng nasa grupo ay nakakaintindi sa pinag-usapan, magpapareha sila upang ganaping muli ang pag-uusap, ang parehong parte ay kukunin ng pares. Ito ay maaaring ulit-ulitin hanggang sa maging matatas sila sa pagsasalita.

Sa bahaging ito, magkakaroon ang mga mag-aaral ng kasanayan sa pagsasalita.

BAHAGI C: Pagsasanay para sukatin ang pang-unawa
Maaaring magsarili ang estudyante o makipareha sa iba. Sagutin ang mga tanong sa iskrin. Iklik ang “check box” pag natapos na ang pagsagot sa pagsasanay. Tingnan kung tama ka sa pamamagitan ng paghahambing sa mga halimbawang sagot. Minsa, ang naiibang sagot ay maaaring tumpak rin.

BAHAGI D: Pagsasanay sa bukabularyo o balarila
Ang mga pagsasanay ay dapat gawin at isumite nang nakasulat at makorekan. Magtutulungan ang mga mag-aaral para malutas ang kani-kanilang partikular na problema.

BAHAGI E: Pagsasanay sa pagsasaulo
Walo hanggang sampung pangungusap ang ibibigay nang sabay-sabay. Babasahin ito ng mga mag-aaral at titiyakin nila na naiintindihan nila ito, kung kinakailangan, sa tulong ng kanilang mga kasamahan. Pagkatapos, ibibigay ang mga pangungusap nang isa-isa. Isasaulo ng mga estudyante ang pangungusap at uulitin nila ito sa pamamagitan ng pagpupuno sa mga patlang.

• Kapag may gustong mag-aral nang sarili
• Kapag may guro